Soreca njofton projekte të reja mbështetëse për drejtësinë pas përfundimit të EURALIUS V

Nga Exit News
Soreca njofton projekte të reja mbështetëse për drejtësinë pas përfundimit të EURALIUS V

Ambasadori i BE në Tiranë, Luigi Soreca ka njoftuar projekte të reja mbështetjeje për institucionet e drejtësisë pas përfundimit të mandatit të EURALIUS V.

Gjatë Komitetit të 7-të Drejtues të Palëve të Interesuara në EURALIUS V, Soreca tha se Reforma në Drejtësi mbetet një nga përparësitë kryesore për BE-në Shqipëri.

EURALIUS është projekti i BE në Shqipëri për të dhënë asistencë teknike gjatë implementimit të Reformës në Drejtësi. Mandati i tij përfundon në dhjetor të 2021.

Ambasadori Soreca u shpreh se mbështetja e BE do të vijojë përmes projekteve të reja të mbështetjes sipas nevojave.

Ai nënvizoi se deri në fund të vitit 2022, BE do të financojë:

  • një projekt kushtuar mbështetjes së Ministrisë së Drejtësisë në rolin e saj koordinues dhe raportues,
  • vazhdimin e mbështetjes për Këshillin e Lartë Gjyqësor dhe Inspektorin e Lartë të Drejtësisë,
  • një ekip që ndihmon Këshillin e Lartë të Prokurorisë, Prokurorinë e Përgjithshëm dhe SPAK,
  • një program për Shkollën e Magjistraturës.

Buxheti total i projekteve të reja është 9 milionë euro, sipas zyrës së BE në Shqipëri.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>