Ndërsa sallat e teatrove dhe operat janë të mbyllura për shkak të koronavirusit, disa nga teatrot e botës kanë vendosur të japin shfaqje online, në Ditën Botërore të Teatrit.
Royal Opera House – Londra
Në faqen e tetarit në rrjetet sociale do të shfaqen nga video të baletit klasik deri tek filmat, të cilat tregojnë prapaskenat e shfaqjeve. Për më tepër, duke u regjistruar në platformën e TV Marquee, do të keni mundësinë për 30 ditë të shihni falas prodhime të tjera të Royal Opera House të tilla si, “La traviata e Verdit ” dhe “Liza në Botën e Çudirave”, nga Christopher Wheeldon
Metropolitan Opera – New York
Çdo ditë, në faqen e internetit të Operës Metropolitane të New York-ut, do transmetohen shfaqje, duke filluar nga ora 19:30 deri në orën 18.30 të së nesërmes. Programi përfshin veprat e vëna në skenë gjatë 14 viteve të kaluara me këngëtarët më të mëdhenj lirike. Java e parë i kushtohet Wagner, me disa nga veprat më të famshme si “Tristan dhe Isolda” dhe “Die Walküre”.
Sydney Opera House – Sydney
Opera e Sidneit po punon për një program të ri virtual këto ditë. Ndërkohë, teatri ka publikuar në internet disa shfaqje dhe video nga prapaskenat e xhirimeve të tyre.
Teatri Alla Scala – Milano
Teatri Alla Scala dhe Rai po rinovojnë bashkëpunimin e tyre për të ofruar një shfaqje online çdo ditë për adhuruesit e teatrit. Deri më 21 Prill, platforma RaiPlay do të ofrojë një shfaqje në ditë: 30 prodhime kryesisht të papublikuara në internet. Çdo shfaqje do të jetë publike për një muaj nga data e publikimit.
Teatri Piccolo – Milano
Përmes rrjeteve sociale të teatrit Pikolo, do të shpërndahen mbi 40 video të shfaqjeve, intervista me artistë dhe kuriozitete rreth prodhimeve më të rëndësishme të tij. Ndër videot e propozuara do të jenë “Elvira dhe zerat e brendshem ” me Toni Servillon, “Egersirat e Skenes” nga Emma Dante, “Pinoku” nga Antonio Latella, “Sanghenapule” nga Borrelli / Saviano.
Teatri San Carlo – Napoli
Edhe Teatri prestigjioz San Carlo në Napoli ka krijuar një program të pasur virtual, me shfaqjet e tij. Disa nga shfaqjet janë:
- 28 Mars – OPERA Ermione – nga G. Rossini
- 30 Mars – KONCERT i Zilberkant / Laca
- 01 Prill– OPERA Manon Lescaut – nga G. Puccini
- 04 Pril – OPERA Carmen – nga G. Bizet
- 06 Prill – BALETI Pulcinella – nga I. Stravinsky
- 08 Prill – BALETI La Dame aux Camélias – Nga C. Davis
Opera Nacionale – Paris
Opera Nacionale e Parisit, në bashkëpunim me France.tv, kanë publikuar disa opera lirike dhe balete në faqen e saj zyrtare.
Teatri Mariinsky – Shën Petersbug
Teatri Mariinsky në Shën Petersburg ju mundëson të shihni vepra, koncerte ose balet në kanalin e saj online. Disa nga shfaqjet janë Simfonia e parë dhe e gjashtë nga Tchaikovsky, të luajtura nga Orkestra Simfonike Mariinsky nën drejtimin e Valery Gergiev.
