![kosova covid 7 viktima dhe 564 raste të reja me koronavirus në Kosovë](https://exit.al/wp-content/uploads/2021/02/kosova-covid.jpeg)
Instituti Kombëtar i Shëndetësisë Publike të Kosovës (IKSHPK) njoftoi se Kosova ka regjistruar të mërkurën numrin 564 raste pozitive me koronavirus.
Në 24 orët e fundit, shtatë pacientë me Covid nga Deçani, Fushë Kosova, Gjakova, Obiliqi, Prishtina, Prizreni dhe Vushtrria, kanë humbur jetën.
Me këto shifra, numri i përgjithshëm i të infektuarve me koronavirus në Kosovë arrin në 71.908.
Në total, 1.634 pacientë në Kosovë kanë humbur jetën nga koronavirusi, ndërsa 61.394 janë shëruar – prej tyre 380 në 24 orët e fundit.
Aktualisht janë 8.880 raste aktive me koronavirus në Kosovë.
IKSHPK-ja u rekomandoi qytetarëve që të qëndrojnë në shtëpi dhe të dalin vetëm për nevoja të domosdoshme.
Kosova është i vetmi vend në Evropë që ende nuk ka siguruar asnjë dozë të vaksinës.
Kryeministri në detyrë i Kosovës, Avdullah Hoti njoftoi se Kosova do të marrë 33 mijë doza vaksinash nga Covax gjatë muajit mars.