Arrestohet Agim Kajmaku, ish-kryebashkiaku i Vorës në arrati

Nga Exit News
Arrestohet Agim Kajmaku, ish-kryebashkiaku i Vorës në arrati

Ish-kryetari i Bashkisë së Vorës Agim Kajmaku është arrestuar të martën dhe tashmë ndodhet në ambientet e Drejtorisë së Policisë së Tiranës.

Kajmaku, në arrati prej 11 nëntorit 2019, akuzohet për ‘falsikim të vulave’, ‘falsifikim të dokumentave’ dhe ‘kryerje e funksionit shtetëror pas përfundimit të afatit’.

Ndaj tij ka një urdhër arresti dhe masë sigurie ´arrest me burg´, dhënë në mungesë nga Gjykata e Tiranës dhe e lënë në fuqi nga Gjykata e Apelit.

Për arrestimin e tij dështuan dhjetëra aksione policore të cilat dyshohen se u dekonspiruan.

Në mars 2020, Exit News  postoi foto të Agim Kajmakut duke lëvizur lirshëm në Tiranë dhe Vorë.

Madje në muajt e parë të vitit, Kajmaku është parë duke ecur në një rrugë kryesore në Tiranë, vetëm rreth 500 metra nga Drejtoria e Policisë së Tiranës.

Exit News rendit kronologjinë e çështjes Kajmaku, si një prej kryebashkiakëve të prekur nga ligji i Dekriminalizimit:

5 gusht 2019– Agim Kajmaku betohet si Kryetar i Bashkisë Vorë.

22 gusht – PD denoncoi se Kajmaku kishte fshehur një ndjekje penale për falsifikim parash në Greqi.

29 gusht – PD publikoi dokumenta që konfirmonin pretendimet.

13 shtator – Gjykata e Janinës shpall të pafajshëm Kajmakun për akuzën e falsifikimit të parave.

28 tetor – Prokuroria konfirmoi pretendimet e PD-së.

1 nëntor – KQZ shkakron Kajmakun për shkelje të ligjit të dekriminalizimit.

LEXO  Tregohuni racional për raportin e zgjedhjeve të 25 prillit, thotë Ambasadori i OSBE-së

6 nëntor – Kajmaku kallëzohet për falsifikim dokumentash në shkarkimin e ish-vartësve të tij.

11 nëntor – Prokuroria lëshon urdhër arrest për Kajmakun.

12 nëntor – Gjykata e Tiranës vendos arrest me burg në mungesë.

16 nëntor – Kajmaku apeloi vendimin dhe masën e sigurisë.

21 nëntor – Gjykata e Apelit lë në fuqi të njëjtën masë dënimi.

Prej 11 nëntorit zoti Kajmaku është në arrati, ndërkohë që Gjykata e Apelit ka dhënë masën arrest me burg në mungesë. Për arrestimin e tij dështuan dhjetëra aksione policore të cilat dyshohen se u dekonspiruan

Më 17 janar, Prokuroria e Tiranës përfundoi hetimet për ish-kryebashkiakun Kajmaku, dhe ka dërguar dosjen në gjykatë. Akuzat që rëndojnë mbi Kajmakun janë ‘falsikimi i vulave’, ‘falsifikimi i dokumentave’ dhe ‘kryerja e funksionit shtetëror pas përfundimit të afatit’.


Lajm në përditësim

 

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>