Kryetari i PD-së Lulzim Basha u shpreh se fuqia blerëse në vend ka rënë. Sipas tij kjo ëshët edhe arsyeja pse produktet bujqësore nuk shiten më.
“Arsyeja kryesore pse nuk arrini me i shit është se, e ke pa, fukarallëku është rrit. Fuqia e njerëzve për të blerë ka ra, mezi shkojnë blejnë dy kokrra domate në treg. Ekonomia është tërësisht e shkatërruar”, u shpreh Basha të hënën gjatë një vizite në një fermë në Marikaj.
Pronarja e fermës i shprehu shqetësimin e saj në lidhje me mungesën e subvencioneve në bujqësi nga qeveria.
Ndërsa, Basha i premtoi se “25 prilli është data dhe të gjitha këto prodhime të mrekullueshme ne do garantojmë që të shkojnë në treg dhe njerëzit të kenë lekë për t’i blerë”.
