Ministri i Jashtëm i Italisë Luigi Di Maio do të vizitojë sot vendin tonë.
Qëllimi i vizitës është së pari për të “përshëndetur ekipin italian të zjarrfikësve që janë duke ndihmuar pas tërmetit të 26 nentorit dhe së dyti për të marrë pjesë në ceremoninë e dhurimit të mjeteve të emergjencës nga Mbrojtja Civile e Italisë”.
Në një deklaratë për median italiane, Di Maio tha se:
”Sot do të jem në Shqipëri, së pari për të përshëndetur ekipin tonë të zjarrfikësve që janë duke ndihmuar popullsinë atje pas tërmetit që shkaktoi dhjetëra e dhjetra të vdekur, por në të njëjtën kohë për të forcuar mbështetjen tonë për anëtarësimin e Shqipërisë në Bashkimin Europian”.
Ai do të vizitojë tendat e ngritura në Vorë për të prekurin nga tërmeti, si dhe do të takohet me Presidentin Ilir Meta dhe Kryeministrin Edi Rama.
Italia deri më tani ka sjellë në Shqipëri, një ekip me 20 specialistë të kërkim-shpëtimit, 200 vulllnetarë të Mbrojtjes Civile, ndihmë mjeksore dhe inxhinierë.
