Federata evropiane e trashëgimisë kulturore apel Ramës: Mos e prishni Teatrin Kombëtar

Federata evropiane e trashëgimisë kulturore apel Ramës: Mos e prishni Teatrin Kombëtar

Federata Pan-Evropiane për Trashëgiminë Kulturore ‘Europa Nostra’ i bën apel Kryeministrit Rama të mos shembë godinën e Teatrit Kombëtar, por ta ruajë atë për rëndësinë historike e arkitektonike që ka si ndërtesë.

Europa Nostra, me anë të një letre, shprehet se nuk bie dakord me asnjë qëndrim që e cilëson këtë monument si të pavlerë e të padenjë për vlerën historike që mbart. Përkundrazi shkruhet në letër,”Europa Nostra beson se vlerat e paçmuara europiane të kësaj prone publike i tejkalojnë shumëfish përfitimet afatshkurtra të atyre që duan ta shembin atë”:

“Teatri Kombëtar, ndërtuar në vitin 1938 nga arkitekti italian Giulio Berte është një prej qendrave më të rëndësishme kulturore e sociale në Tiranë. Teatri është një shembull i jashtëzakonshëm i arkitekturës moderne italiane nga ajo periudhë dhe është e vetmja ndërtesë e llojit të saj në Tiranë.

Ruajtja e një godinë historike si ajo e Teatrit Kombëtar është shumë e rëndësishme sepse është pjesë e pandashme e trashëgimisë së qytetit dhe ka një vend special në memorien kolektive të së kaluarës.

Ne nxisim qeverinë, Bashkinë e Tiranës, Ministrinë e Kulturës dhe gjithë grupet e tjera të interesit ta rishikojnë vendimin për ta prishur këtë pikë historike evropiane dhe të marrin në konsideratë restaurimin e tij për ta për ta bërë atë një teatër me standarde evropiane.”

Në letër, Europa Nostra shpreh mbështetjen dhe ndaj qytetarëve, artistëve e profesionistëve që prej kohësh po portesojnë kundër vendimit të qeverisë Rama për ta shembur Teatrin.

LEXO  Greqia regjistron 2 435 rase ditore dhe 73 viktima

Lajme te ngjashme