Gjykata 22 urdhër-arreste për çështjen e Avdylajve dhe laboratorit të drogës në Has

Nga Exit News
Gjykata 22 urdhër-arreste për çështjen e Avdylajve dhe laboratorit të drogës në Has

Gjykata e Posaçme kundër Krimit ka lëshuar 22 urdhër-arreste për të dyshuar në dosjen 339 – çështja e bandës Avdylaj dhe laboratorit të heroinës në Has.

Disa prej urdhër-arresteve janë dhe për zyrtarë të lartë lokalë.

Urdhër -arrestet e firmosura nga gjykata janë për “arrest me burg” dhe “arrest shtëpie”.

Në janar të këtij viti, SPAK mbylli hetimet hetimet për këtë rast dhe dërgoi në gjykatë dosjen.

Mes të arrestuarve janë dhe 13 anëtarë të bandës së vëllezërve Avdyli nga Shijaku, të cilët u kapën në audio-përgjime teksa flisnin me ish-kryebashkiakun e Durrësit Vangjush Dako për mbledhjen e votave për PS-në në zgjedhjet e vitit 2017.

Ata akuzohen për trafikim të lëndëve narkotike në formën e grupit të strukturuar kriminal dhe pastrim parash

Hetimet për këtë rast u ndoqën nga dy ish-prokurorë të Krimeve të Rënda, që tashmë janë komanduar si pjesë e Prokurorisë së Posaçmë Antikorrupsion, Dritan Prençi dhe Vladimir Mara.

Grupi dyshohet se kishte nën menaxhim dhe laboratorin e përpunimit të heroinës  në Has, i cili u zbulua më 19 tetor 2018. Policia sekuestroi 150 kilogramë heroine të përpunuar, të bërë gati për shitje, dhe një sasi opiumi, lënda bazë për përpunimin e heroinës.

Laboratori ishte ndërtuar në një zonë periferike, në fshatin Brenog brenda dy kapanoneve që më parë, përdoreshin si stalla për bagëtitë. Ka dyshime se laboratori i përket një linje të trafikut të drogave të forta që vepron prej vitesh nga Shqipëria drejt vendeve të BE-së.

LEXO  Kur Niçja flet me Volterin dhe i përgjon Bild-i

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>