Gjykata pranoi sot kërkesën e Klement Balilit për gjykim të shkurtuar. Ky vendim i gjykatës do të ulë masën e dënimit në një të tretën për Eskobarin e Ballkanit.
Mbas dy viteve në arrati Balili u vetëdorëzua tek autoritetet shqiptare. Gjykata e Krimeve të Rënda e la në burg. Ai akuzohet për trafik të narkotikëve, grup të strukturuar kriminal, mosdeklarim të pasurisë dhe pastrim parash.
Balili i quajtur ndryshe si “Eskobari i Ballkanit” po gjykohet nga një gjykata shqiptare, ajo e Krimeve të Rënda për shkak se Shqipëria nuk ka marrëveshje esktradimi me shtetin grek, vend në të cilin ka kryer veprat penale.
Seanca e rradhës do të jetë më 12 Mars, ku pritet të jepet dhe akuza përfundimtare e prokurorit.
