Këshilli i Medias, thirrje qytetarëve të kundërshtojnë kufizimin e paligjshëm të informacionit

Nga Exit News
Këshilli i Medias, thirrje qytetarëve të kundërshtojnë kufizimin e paligjshëm të informacionit

Këshilli Shqiptar i Medias (KSHM) lëshoi me 21 prill, një deklaratë në lidhje me vendimet e fundit të Autoritetit të Komunikimeve Elektronike dhe Postare (AKEP).

Më 21 prill, AKEP urdhëroi kompanitë e internetit të bllokojnë qasjen në platformën e njohur në gjithë botën Medium.com. Tani Shqipëria renditet së bashku me Kinën, Egjiptin dhe Malajzinë, në listën e shteteve që kanë bllokuar faqen. KSHM e quajti këtë “censurë të pastër, anti-ligjore dhe antikushtetuese”.

KMSH thekson se faqja Medium publikon mijëra artikuj në ditë. Shumica e kompanive të internetit bllokuan qasjen në faqe, ndërsa disa të tjera do ta bllokojnë në ditët në vijim.

Sipas deklaratës së KMSH-së, shkak për bllokimin e faqes Medium u bë një ankesë e aktorit Ermal Mamaqi, i cili pretendon se një prej artikujve në faqe përmbante lidhje ku transmetoheshin në mënyrë pirate filmat e tij.

Bllokimi i qasjes në faqen Medium është e paligjshme edhe është një formë censure. KSHM përdori shembullin e mëposhtëm:

“Në rast se dikush poston në Facebook listë të sajteve pirate, kjo nuk do të thotë që qeveria shqiptare duhet të mbyllë Facebook-un. Aq më tepër, që Medium.com ka një faqe ku qartazi mundësohet raportimi i shkeljes së të drejtave të autorit apo plagjiaturave.” 

KMSH theksoi se AKEP bllokoi së fundmi dhe disa faqe pornografie. Një gazetare e njohur raportoi se një video e saj intime, ishte publikuar në disa faqe me përmbajtje pornografike. KMSH dënoi aktin e paligjshëm ndaj gazetares, por pohoi se qeveria nuk mundet të bllokojë të gjithë faqet.

LEXO  Zhduken tre djem në Malësinë e Madhe

Këshilli ngriti shqetësimin se edhe pse paketa antishpifje nuk ka hyrë në fuqi, AMA dhe AKEP po sillen në mënyrë të tillë. Kjo paketë i jep qeverisë fuqinë për të bllokuar, gjobitur dhe kufizuar qasjen në faqet e internetit që ai mendon se botojnë “lajme të rreme” ose shkelin kërkesat e parashikuara në ligj.

KMSH iu bëri thirrje organizatave ndërkombëtare të reagojnë dhe raportojnë në lidhje më këto forma censure. Gjithashtu Këshilli i bëri thirrje qytetarëve shqiptarë të reagojnë përkundër kufizimit të paligjshëm dhe antikushtetues të lirisë së informacionit.

Lajme te ngjashme