Sot Këshilli i Lartë i Prokurorisë (KLP) do të nisë intervistimin e 22 prokurorëve kandidatë për në Prokurorinë Speciale, e njohur si SPAK.
Më 5 prill, KLP bëri publike listën e plotë të kandidatëe me 25 emra. Por dy prej tyre, Eugen Beci dhe Shkëlzen Cena nuk kaluan dot procesin e vetingut dhe u shkarkuan, ndërsa Vatë Staka u emërua anëtar i KLP-së më 11 prill.
Nga 22 kandidatët e mbetur, vetëm Ened Nakuçi dhe Edvin Kondili kanë marrë një vendim përfundimtar nga institucionet e vetingut. Ndërsa Besnik Muçi dhe Donika Prela po presin ende vendimet nga Kolegji i Posaçëm i Kualifikimit pasi Komisionerët Publikë kanë apeluar vendimet e KPK-së për konfirmimet e tyre në detyrë.
Sipas rregulloreve të KLP-së, vetëm prokurorët që tashmë janë konfirmuar në detyrë me vendim përfundimtar nga të dy institucionet e vetingut (KPK dhe KPA) mund të promovohet në SPAK. SPAK do të bëhet funksionale pasi të ketë të paktën 10 prokurorë, të cilët KLP i ka promovuar në SPAK.
Përzgjedhja për intervistimin është bërë sipas rendit alfabetik. Kështu sot do të intervistohen:
- Altin Dumani
- Anita Jella
- Anton Martini
- Arben Kraja
Më 9 korrik do të intervistohen:
- Behar Dibra (konfirmuar në detyrë)
- Besim Hajdarmataj
- Besnik Muçi (konfirmuar nga KPK, KP apeloi vendimin në KPA më 11 nëntor 2018)
- Doloreza Musabelliu
- Donika Prela (konfirmuar nga KPK, KP apeloi vendimin në KPA më 24 prill 2019)
Më 10 korrik do të intervistohen:
- Dorina Bejko
- Dritan Prençi
- Edvin Kondili (konfirmuar me vendim përfundimtar)
- Elida Kaçkini
- Elizabeta Imeraj
Më 11 korrik do të intervistohen:
- Ened Nakuçi (konfirmuar me vendim përfundimtar)
- Enkelejda Millonai (e konfirmuar por ende jo me vendim përfundimtar)
- Enkeleda Xhengo
- Klodian Braho
- Manjola Kajana (e konfirmuar por ende jo me vendim përfundimtar)
Më 12 Korrik do të intervistohen:
- Ndini Tavani
- Maksim Sota
- Vladimir Mara (i konfirmuar por ende jo me vendim përfundimtar)
Intervistat janë parashikuar të zgjasin rreth 1 orë për secilin kandidat. Ato do regjistrohen me audio dhe video, ndërsa në faqen zyrtare të KLP-së do të bëhen publike vetëm pjesa e parë e intervistës për secilin kandidat me prezantimin dhe shprehjen e interesit për për të qenë pjesë e Strukturës së Posaçme Anti-Korrupsion.
