Komisioni i zgjedhjeve në UT kthehet në komision kaçak: shpall kandidatët për zgjedhjet e anulluara

Nga Alba Mborja
Komisioni i zgjedhjeve në UT kthehet në komision kaçak: shpall kandidatët për zgjedhjet e anulluara

Përplasja mes drejtuesve të Universitetit të Tiranës për zgjedhjet e reja të drejtuesve të universitetit është thelluar pasi komisioni i zgjedhjeve ka vendosur të shpallë listat e kandidatëve për këto pozicione.

Komisioni Institucional i Zgjedhjeve (KIZ) në Universitetin e Tiranës shpalli garën për postin e Rektorit dhe Anëtarit të Senatit Akademik, disa ditë pasi Kuvendi zgjati gjendjen e fatkeqësisë natyrore.

Ky vendim bie ndesh me Ligjin e Arsimit të Lartë dhe Rregulloren për Zgjedhjet në Universitet dhe Rektori Mynyr Koni kërkoi shtyrjen e tyre deri kur të rihapet universiteti.

Komisioni e kundërshtoi rektorin dhe, për këtë shkak, ai vendosi të largojë nga detyra pesë anëtarët e komisionit, me argumentin se kishin shkelur ligjin dhe rregulloren.

Ndërkohë, Ministrja e Arsimit vendosi të shtyjë zgjedhjet në universitete deri në rikthimin e studentëve në auditorë.

Por, në mënyrë të pashpjegueshme, anëtarët e komisionit të zgjedhjeve të UT-së e shpërfillën si vendimin e rektorit ashtu edhe te ministres së arsimit dhe vazhduan përgatitjet për mbajtjen e zgjedhjeve: ditën e dielë, komisioni miratoi listën e kandidatëve për rektor dhe anëtarë të senatit skademik të Universitetit të Tiranës.

Ky vendimi, i miratuar në unanimitet, është  haptazi i paligjshëm jo vetëm sepse nuk ka zgjedhje të shpallura as nga ministria dhe as nga rektori, por edhe për dy arsye të rëndësishme.

Së pari, Rektori i Universitetit të Tiranës i ka larguar nga puna si pedagogë pesë nga anëtarët e këtij Komisioni, prandaj ata nuk mund të vazhdojnë të ushtrojnë detyrën e tyre në Komision.

Statuti i Universitetit të Tiranës ja njeh kompetencën rektorit të largojë nga puna pedagogët, për shkelje të rënda, të cilat përfshijnë shkeljen e ligjit apo akteve nënligjore.

Vlefshmëria ose jo e vendimit të rektorit mund të vendoset vetëm nga gjykata—përsa kohë vendimi nuk është ankimuar dhe gjykata nuk ka vendosur këta anëtarë nuk mund të mbeten pedagogë dhe, për rrjedhojë, as anëtarë të Komisionit.

Së dyti, komisionit të tanishëm i ka mbaruar mandati dhe nuk mund të organizojë zgjedhjet e ardhshme,

Rregullorja e Universitetit të Tiranës për zgjedhjet parashikon se pas caktimit të datës së zgjedhjeve nga Ministri i Arsimit, Rektori bën shpalljen e zgjedhjeve në Universitet.

Pas shpalljes, Senati Akademik zgjedh anëtarët e Komisionit Institucional të Zgjedhjeve, brenda tre ditëve. Më pas, KIZ zgjedh anëtarët e Komisionit të Zgjedhjeve në Fakultete. Mandati i anëtarëve të KIZ dhe KZF është katër vite.

Në Universitetin e Tiranës, Rektori nuk ka shpallur akoma zgjedhjet, Senati nuk ka zgjedhur KIZ-in e ri dhe as komisionet në fakultete.

Komisioni tashmë është kthyer në një institucion i dalë krejtësisht jashtë ligjit që vepron në mënyrë kaçake.

8 komente

  1. Koli 10 Maj, 2020 në 10:45 pm

    ligji i arsimit i rames ne 2014 2015. nje pisllik i teri.

    qellimi ishte shkaterrimi dhe futja ne rruga pa krye e arsimit.

    Si gjithmone Rama eshte i suksesshem ne mionet shkaterruese te tij.

    Institucionet arsimore pervecse po vdesi jane bere aq lemsh me kete ligj ska burre nene ta rregulloje

    Shtoji ketu futjen e hundeve te ministrisise dmth te Rames.

    Nderkohe numri i studenteve shqiptare qe studiojne ne Gjermani, Itali Frane , Austri, Turqi, Angli, eshte rritur aq shume sa universitete private po mbeten bosh. pranimet kane rene me 30% . Po shkollojne dhe ata me mesatare nen 6 (pasi Rama mendoi qe keta me mesatare 6 nuk bejne per universitet)

    Po te besh nje llogari sa kushton viti shkollor ne GER nuk eshte dhe aq shtrenjte sidomos kur ke mundesine e punesimit dhe integrimit me praktiken.

    Ketu po mbeten vetem ata qe sjane per shkolle, dmth nuk mesojne, dhe ata qe nuk ikin dot. Ne mode prinderit u blejne diplomen , me idene : mos te thote njeri qe eshte djali/vajza pas shkolle 😀

  2. vasilika 11 Maj, 2020 në 8:34 am

    “Artan Hoxha ende nuk ka dhënë përgjigje për pasurinë e tij të paligjshme, sesi brenda pak kohësh, me kursime familjare, arriti të blinte një apartament me sipërfaqe 120 m2 në Tiranë, një apartament tjetër në plazhin e Golemit në Kavajë dhe një sipërfaqe toke 700 metër katrorë në zonën turistike të Qerretit në Kavajë”. 200 mije dollare dhurate nga vellai. Ky duhet te kaloj ne veting

  3. unai 11 Maj, 2020 në 7:25 pm

    Si duket as ju as rektori nuk i lexoni çfarë është shkruar. Në statutin që keni vënë më sipër, Neni 76, pika 4 :

    Në rastin e shkeljeve të rënda, drejtuesi i fakultetit dhe ai i departamentit i drejtohen senatit i cili ngre një komision ad-hoc, dhe mbas hetimit “Komisioni mund t’i kërkojë rektorit zgjidhjen e kontratës me anëtarin e personelit akademik dhe largimin e tij nga detyra.”

    Rektori nënshkruan kontratën; as nuk e lidh, as nuk e zgjidh me kokë të vetë. Dhe s’mbaron me kaq. Urdhërin për zgjidhjen e kontratës, rektori ia përcjell drejtuesit të fakultetit, i cili e zbaton, ose në këtë rast nuk e zbaton, sepse rektori ka tejkaluar kompetencat e veta.

    Dhe e fundit, urdhri i ministres i datës 8, pika 2, thotë që përgatitjet duhet të vazhdojnë, në mënyrë që zgjedhjet të zhvillohen menjëherë kur të vendoset data. Dhe këtë ndoqën sot të gjitha fakultetet.

    Ky Koni ku e ka hallin, kujton se do rrijë aty gjithë jetën ?

Adresa juaj e emailit nuk do bëhet publike.

Lajme te ngjashme