Kremlini ka mohuar një raport të SH.B.A.-së që pretendon se presidenti rus, Vladimir Putin, autorizoi operacionet e keqinformimit në përpjekje për të ndikojnë në zgjedhjet presidenciale të vitit të kaluar.
Duke i quajtur akuzat “absolutisht të pabazuara“, zëdhënësi i Putinit, Dmitry Peskov, tha të mërkurën se Rusia “nuk ndërhyri” në zgjedhje dhe “nuk ishte e përfshirë në fushata kundër asnjë prej kandidatëve“.
Komentet e Peskov erdhën si përgjigje e një raporti të botuar nga Zyra e Drejtorit të Inteligjencës Kombëtare më 16 mars.
Aty vlerësohej se Putini kishte “autorizuar dhe një sërë organizatash qeveritare ruse të kryenin, ndikimin e operacioneve që synojnë denigrimin e kandidaturës së Presidentit Biden dhe Partisë Demokratike, duke mbështetur ish PresidentinTrump, duke minuar besimin e publikut në procesin zgjedhor dhe duke përkeqësuar ndarjet sociopolitike në Shtetet e Bashkuara. ”
Reuters citoi tre burime që thanë se Uashingtoni pritet të vendosë sanksione ndaj Rusisë sa më shpejt që javën e ardhshme mbi përfundimet e raportit.
Më herët edhe presidenti Biden u shpreh se Putin do të paguante për përfshirjen në zgjedhjet e SHBA-ve.
Akuzat e SHBA do të “përdoren, ka shumë të ngjarë, si justifikim për të vënë në rendin e ditës çështjen e sanksioneve të reja kundër vendit tonë,” tha Peskov.
Peskov tha se Rusia do të ndjehej e detyruar të mbronte interesat e saj dhe të merrte masa për t’iu kundërpërgjigjur dëmeve të mundshme nga sanksionet.
