Kancerlarja gjermane Angela Merkel e ka dënuar dëbimin e diplomatëve të huaj nga Rusia dhe e ka cilësuar si “të pajustifikueshme”.
Rusia ka dëbuar të premten diplomatë nga Gjermania, Suedia dhe Polonia për pjesëmarrje në protestat për lirimin e Alexei Navalny.
“Ne i konsiderojmë këto dëbime të padrejta. Ne besojmë se është edhe një aspekt tjetër që mund të vërehet tani se Rusia është mjaft larg sundimit të ligjit, ”tha Merkel në një konferencë për shtyp me presidentin e Francës, Emmanuel Macron.
Ministri i jashtëm i Gjermanisë, Heiko Maas, tha më parë se vendimi i Moskës për të dëbuar diplomatët nga Polonia, Gjermania dhe Suedia dhe shpallja e tyre “non-grata” nuk do të mbetet pa përgjigje.
Maas tha se diplomati gjerman në Rusi ishte “vetëm duke përmbushur detyrën e tij për të informuar veten për zhvillimet në terren me mjete të ligjshme”.
Sekretari i jashtëm britanik Dominic Raab, e përshkroi dëbimin si një “përpjekje të vrazhdë” për të shkëputur vëmendjen e Rusisë ndaj udhëheqësve të opozitës.
Ai tha se kjo ishte provë e mëtejshme e Moskës “që i ktheu shpinën ligjit ndërkombëtar”.
Ndërkohë, Navalny u paraqit në një gjykatë në Moskë për herë të dytë këtë javë, këtë herë nën akuzën e shpifjes për një veteran të Luftës së dytë Botërore.
Lideri rus i opozitës kritikoi seancën e fundit dhe e cilësoi si një “gjyq të neveritshëm PR” të porositur nga Kremlini.
Lideri i opozitës në Rusi Alexei Navalny u dënua të martën me 3 vite e 5 muaj burg pasi sipas gjykatës shkeli urdhrin për lirim me kusht.
