PD dhe PS përplasen për vendet e LSI-së në komisionet parlamentare

Nga Exit News
PD dhe PS përplasen për vendet e LSI-së në komisionet parlamentare

4 deputetët e Lëvizjes Socialiste për Integrim, LSI nuk u përfshinë në asnjë prej 8 komisioneve të përhershme parlamentare.

Nënkryetari i LSI-së Petrit Vasili kërkoi ndërprerjen e seancës në mënyrë që të përfshihen deputetët e LSI-së. Kërkesa u mbështet nga PD dhe nga PS.

Shumica socialiste kërkoi rindarjen e anëtarëve të komisionit të PD-së, duke qënë se kjo e fundit ka propozuar një deputet në dy komisione njëherësh.

Kryetari i grupit të PS-së Balla u shpreh se PD duhet të heqë anëtarët e komisionit të emëruar dy herë dhe t’i japë hapësirë deputetëve të LSI-së.

Sipas Ballës, bazuar në përcaktimin e rregullores së Kuvendit për ndarjen e vendeve në Komisione, PD duhet të ketë më pak anëtarë se sa PS.

Kjo gjë nuk u pranua nga PD, deputetët e së cilës u larguan nga Kuvendi. Kryetari i grupit parlamentar të PD-së Rrushaj u shpreh në një deklaratë se PD nuk do të heqë anëtarë e saj. LSI, sipas Rrushajt të vendosë anëtarët e sja në komisione pa cënuar përfaqësimin e PD-së:

“Nuk mundet që në asnjë mënyrë të zvogëlojnë hapësirën e përfaqësimit të opozitës në Kuvend. Pranuam kërkesën e LSI që ata të mund të marrin kohë në këtë seancë që dhe ata të zënë vendin e tyre”.

Çfarë thotë rregullorja e Kuvendit:

Në komisionet e përhershme marrin pjesë të gjithë deputetët dhe përbërja e tyre, për aq sa është e mundur, pasqyron grupet parlamentare, sipas përpjesëtimit që zënë në Kuvend.

Si rregull, deputeti mund të jetë anëtar vetëm i një komisioni të përhershëm.

Në respektim të raporteve shumicë parlamentare – opozitë, deputetë të caktuar mund të jenë anëtarë të jo më shumë se dy komisioneve të përhershme.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>