Përfundon pa deklarata takimi mes Presidentit dhe opozitës

Nga Stafi i Exit
Përfundon pa deklarata takimi mes Presidentit dhe opozitës

Përfundon takimi mes Presidentit Ilir Meta, kreut të Partisë Demokraitke Lulzim Basha dhe partive të tjera opozitare. Takimi zgjati më shumë se një orë e gjysmë, pa praninë e mediave. Në të nuk mori pjesë kryetarja e Lëvizjes Socialiste për Integrim Monika Kryemadhi dhe nuk u shoqërua me deklarata për shtyp.

Në dalje nga Presidenca, Kryeatri i PD-së Basha tha se do të kishte deklarata për shtyp më vonë, pasi Presidenti të zhvillonte edhe takimet e tjera. Kryetari i PD-së tha se edhe partia e tij do të dilte me një deklaratë për shtyp më vonë. Nga takimet e njoftuara në media, Meta thuhet se do të takojë edhe përfaqësues të ambasadave.

Presidenti Meta e ftoi opozitën për diskutim pas përplasjes politike që Presidenti pati me mazhorancën në lidhje me zgjedhjet e anëtarëve në Gjykatën Kushtetuese. Ai akuzoi për shpërdorim detyre kryetarin e Këshillit të Emërimeve në Drejtesi, Ardian Dvoranin. Presidenti tha se Zoti Dvorani me veprimet e tij ka krijuar situatë antikushtetuese me mbivendosjet e emërimeve të Arta Vorpsit dhe Marsida Xhaferllarit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>