Qindra ushtarë amerikanë flenë në hollin e Kongresit pas trazirave në Kapitol

Nga Exit News
Qindra ushtarë amerikanë flenë në hollin e Kongresit pas trazirave në Kapitol

Qindra trupa të Gardës Kombëtare në SHBA kanë fjetur, në hollin e Kongresit amerikan, pas intensifikimit të masave të sigurisë në Uashington, një javë përpara inaugurimit të Xho Bajden si president.

Në Uashigton është shpallur gjendja e jashtëzakonshme nga 11 janari deri më 24 janar pas raportimeve të FBI-së se ka rrezik për sulme në DC ditët para inaugurimit të Bajden.

Në Kongres ndërkohë mbahet votimi për shkarkimin e mundshëm të Trumpit për rolin e tij në ngjarjet e javës së kaluar në Kapitol.

Kryetarja e Kongresit, Nensi Pelosi ka thënë dhe më herët se demokratët do të përpiqen me çdo mundësi të shkarkojnë presidentin, nëse Pence dhe kabineti i Shtëpisë së Bardhë nuk e shkarkojnë atë së pari duke aktivizuar amendamentin e 25-të të Kushtetutës së SHBA.

Garda Kombëtare është autorizuar që të dërgojë 15 000 trupa në Uashington për të ruajtur kryeqytetin, në kuadër të inaugurimit të Bajden.

Kjo është hera e parë që trupat ushtarake flenë brenda Kongresit, që nga Lufta Civile.

Demokratët e akuzojnë Trampin për “nxitje të kryengritjes” dhe pretendojnë se Tramp inkurajoi në mënyrë aktive dhunën në Kapitolin e SHBA.

Mbrëmjen e 6 janarit, qindra mbështetës të presidentit hynë në mënyrë të dhunshme në Kapitol, Kongesin amerikan, teksa po shqyrtohej certifikimi i rezultatit të zgjedhjeve presidenciale.

Fillimisht Trump i bëri thirrje protestuesve të marshonin në Kapitol. Por kur ata thyen rrethimin dhe nisi dhuna, ai i bëri dy herë thirrje mbështetësve të tij që të qetësoheshin.

LEXO  1,8 milionë amerikanë preferojnë të rrinë të papunë për shkak të përfitimeve të papunësisë

Nga përplasjet me policinë, janë raportuar 5 viktima dhe mbi 50 persona të tjerë janë arrestuar.

trup

trup

trup

trup

trup

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>