Kryeministri Edi Rama ka reaguar ndaj deklaratave të Presidentit Ilir Meta, ditën e sotme, 15 mars, në konferencën për shtyp. Në një postim në Twitter Rama shkroi se zgjedhjet e 25 prillit janë “një zgjedhje mes Drejtësisë dhe Ilir Metës”.
Postimi i plotë:
“Sa herë Ilir Meta del, flet, bërtet, shan, lajthit, aq herë e bën të qartë se zgjedhja e 25 prillit është një zgjedhje mes Drejtësisë dhe Ilir Metës; çdo votë për LSI është një votë kundër Drejtësisë dhe çdo votë për PD është një votë për Ilirin e Saliun; Luli thjesht ha përshesh”.
