Kryeministri Edi Rama, duke folur për platformën italiane Il Foglio i konsideroi se vendet evropiane që kanë refuzuar stehimin e emigrantëve afgan si “hipokrit” dhe ” të pakujtesë”.
“Nëse Evropa është e ndarë edhe në lidhje me Afganistanin, kjo vjen sepse ka harruar identitetin e vet,” u shpreh Rama.
Ndryshe nga ç’sugjerojnë fjalët e tij, ai këmbëngul se nuk kërkon t’i jap leksione askujt dhe lë të hapur mundësinë për të strehuar 2-3 mijë persona.
Përkundrazi, Rama e cilëson vendimin e Shqipërisë për të pranuar ish-punonjësit afgan që kanë bashkëpuinuar me aleatët perëndimor si një gje krejt të natyrshme, madje një “detyrim” duke patur parasysh historinë e vendit.
“Mbaj mend luftën, mbaj mend Millosheviçin, refugjatët, vdekjet, torturat. Dikur ne shqiptarët ishim për ju ata që afganët janë ndoshta sot, alienë,” përfundon ai.
Ndërkohë, grupi i parë i emigrantëve afgan, i cili u lajmërua se do të vinte në vend të martën, ende nuk ka mbërritur. Mendohet se shkaku lidhet me situatën kaotike në aeroportin e Kabulit.
Grupi i parë do të jetë pjese e një trupe rreth 1000 vetash që pritet të vijnë në Shqipëri në një javë dhe sipas një raportimi nga EuroNeës Albania do të vendosen në Berat.
Një pjesë e emigrantëve do të strehohen për dy muaj në 6 godinat e konvikteve në Qytet Studenti, ndërsa pas përfundimit të sezonit veror do të zhvendosen në hotelet e bregdetit.
Në lidhje me këtë vendim, qeveria u kritikua pasi studentët që qëndrojnë në konvikte janë njoftuar që të lirojnë dhomat nga kujdestarët e konvikteve pa asnjë shkresë zyrtare.
Në një deklaratë publike Unioni pranon mikpritjen e qytetarëve afganë, por kërkon që të bëhet transparent plani për strehimin e tyre pasi pak ditë i ndajnë studentët nga sezoni i provimeve të vjeshtës ndërkohë ata ende nuk kanë informacion se ku do të strehohen.
