Shqipëria merr kryesinë e OSBE-së për vitin 2020

Nga Redaksia
Shqipëria merr kryesinë e OSBE-së për vitin 2020

Sllovakia i dorëzoi sot zyrtarisht Kryesinë e OSBE-së Shqipërisë. Lajmi u njoftua përmes një postimi në Facebook nga zëvendësministri i Jashtëm Gent Cakaj.

Në postimin e tij Zoti Cakaj tha:

“Për një vit me rradhë, Shqipëria do të jetë kryesuese e organizatës më të madhe të sigurisë në botë, duke mbuluar gjithë hapësirën nga Vankuveri në Vladivostok!

Ky moment shënon suksesin më të madh në historinë e diplomacisë shumëpalëshe të Shqipërisë pas anëtarësimit në NATO!”

Zëvendësministri theksoi se Shqipëria ka kapacitete të plota për të adresuar prioritetet e Kryesisë së saj në mënyrë efektive dhe për të kryer detyrimet ndaj vendeve pjesëmarrëse.

Zëri i Amerikës ka analizuar më parë se Shqipëria e fillon kryesinë e OSBE-së për vitin 2020, ndërsa rajoni ku vepron organizata përballet me sfida të konsiderueshme sigurie dhe të demokracisë dhe vetë vendi përballet me probleme politike.

1 koment

  1. katunari 19 Dhjetor, 2019 në 10:43 pm

    sa qesharake qenka kjo “demokracia perendimore”. edi rama do kontrolloje zgjedhjet ne vendet tjera. termeti i 26 nentorit paska qen i vogel.

Adresa juaj e emailit nuk do bëhet publike.

Lajme te ngjashme