Prokuroria e Posaçme Kundër Krimit dhe Korrupsionit, SPAK u tërhoq nga ankimimi për konfiskimin e pasurive të Altin Hajrit, në Gjykatë e Apelit. Tërheqja e SPAK u njoftua në vendimin e Gjykatës, e cila pezulloi hetimet për çështjen.
SPAK ankimoi vendimin e GjKKO-së së shkallës së parë, për ndalimin e konfiskimit të pasurive të Hajrit me justifikimin se kompleksi Golden, për të cilin u kërkua sekuestrimi, u ndërtua me burime të ligjshme.
Kompleksi Golden u sekuestruar nga Policia në 2020, sepse aty dyshohet se u vra gjatë pengmarrjes për pazare droge, Jak Prenga.
Siç Exit News ka analizuar më parë, pengmarrja e Jak Prengës ekspozoi dyshimet se pastrimi i parave të drogës bëhet përmes resorteve luksoze.
Familja Hajri, 4 anëtarë të së cilës akuzohen për përfshirje në pengmarrje, ishte akuzuar prej vitesh për lidhje me trafikun ndërkombëtar të heroinës.
Policia arrestoi 3 anëtarë të familjes Hajri: Bajram Hajri, Leonard Hajri dhe Elton Hajri. Ndërsa u shpall në kërkim Altin Hajri.
Kompleksi Golden, i ngritur në një hapësirë prej rreth 1,4 hektarë tokë bie lehtë në sy në Pjezë pasi është në kontrast me ndërtesat e zonës.
Rrethuar me pemë, kanxhella dhe kolona të punuara me gips, ka 3 ndërtesa të ndara me 2 pishina – Hotel Golden Kompleks; Vila Golden; Golden Palace – dhe përpara një pikë karburanti.
