Aktivistja serbe për të drejtat e njeriut, e habitur nga mbështetja e kryeministrit shqiptar ndaj idesë për shkëmbimin e territoreve Kosovë-Serbi

Nga Exit News
Aktivistja serbe për të drejtat e njeriut, e habitur nga mbështetja e kryeministrit shqiptar ndaj idesë për shkëmbimin e territoreve Kosovë-Serbi

Themeluesja dhe presidentja e Komitetit të Helsinkit për të Drejtat e Njeriut në Serbi, Sonja Biserko ka shprehur kundërshtimin e saj ndaj shkëmbimit të territorit ndërmjet Kosovës dhe Serbisë, duke e cilësuar mbështetjen e Shqipërisë ndaj kësaj ideje si “të paimagjinueshme”.

Gjatë një telekonference në 19 maj për të “Të ardhmen e Kosovës” të organizuar nga Programi për ndërtimin e paqes dhe të drejtat e njeriut në Universitetin Kolumbias dhe Qendra për Siguri në Evropën Juglindore, Biserko tha:

“Beogradi po shihte dhe po priste një mundësi për të bërë një marrëveshje ndarjeje me kosovarët, dhe gjithashtu jam e habitur që Shqipëria … Ishte e paimagjinueshme që dikush nga Shqipëria të mbështeste një marrëveshje të tillë. Unë shoh shqetësim të madh që nganjëherë duket siku Serbia pati sukses, dhe e gjithë kjo ndryshoi me sa duket mjedisin ndërkombëtar, u vendosën në dorën e Serbisë, sepse ata [Serbia] luajtën midis faktorëve të ndryshëm: SH.B.A., BE, Gjermani, etj. Rusia, Kina, Turqia. Kështu që me të vërtetë i dha më shumë hapësirë ​​Serbisë për të luajtur lojën e saj.

Në tetor 2018, Biserko deklaroi se Rama dhe Vuçiç kishin rënë dakord në Beograd në vitin 2016 për të nisur dhe mbështetur një plan për shkëmbimin e territoreve.

Në eventin e organizuar në internet këtë javë, ajo sugjeroi që e  ardhmja e vendit të shihej në tre nivele të ndryshme: të brendshmëm, rajonal dhe ndërkombëtar.

Biserko pohoi se, që nga vitet ’80, Serbia kurrë nuk kishte konsideruar ndonjë mundësi tjetër për Kosovën përveç ndarjes, megjithë disa pozicione të krahut të djathtë që e shohin Kosovën në tërësinë e saj si pjesë të Serbisë. Serbia nuk do të heqë dorë nga ndarja, tha Biserko, për sa kohë që ka mbështetjen e Rusisë.

Në kundërshtim me marrëveshjen që Serbia nënshkroi me Kosovën, Beogradi përdori interesat e pakicës etnike serbe në Kosovë për të krijuar një marrëveshje ndarjeje, pohoi Biserko. Ajo shprehu shqetësim për atë që duket si suksesi i dukshëm i Serbisë në këtë kënd.

Ajo gjithashtu pohoi se, krahas dialogut zyrtar të lehtësuar nga BE dhe SH.B.A., Serbia kishte zhvilluar një fushatë shpifjeje ndaj shqiptarëve, duke kriminalizuar lëvizjet çlirimtare shqiptare dhe udhëheqësit e tyre, dhe duke pikturuar Kosovën si një shtet mafioz. Kjo u shoqërua gjithashtu nga fushata e vazhdueshme e mosnjohjes ndaj Kosovës. Rritja e ndjenjave botërore anti-Amerikane gjithashtu i erdhi në ndihmë kësaj fushate.

Biserko paralajmëroi që një ndarje. e Kosovës, e mbështetur nga SH.B.A do të destabilizonte rajonin. Ajo shtoi se një nocion i tillë duhet të krijojë shqetësime të konsiderueshme për vendet e mëparshme Jugosllave si Mali i Zi, Maqedonia e Veriut dhe Bosnje-Hercegovina, dhe nënvizoi ndikimin e Kishës Ortodokse Serbe në të gjitha këto vende.

Biserko këshilloi që BE të merrte një rol më aktiv në Ballkanin Perëndimor, veçanërisht në konsolidimin e shtetit kosovar. Ajo vajtoi për faktin se zgjedhjet e ardhshme të Serbisë me shumë mundësi do të fitohen edhe një herë nga Presidenti aktual serb Aleksandar Vuçiq pasi Serbia nuk ka kushtet për zgjedhje të lira dhe ligjshme dhe opozita e vendit nuk është në gjendje të sigurojë një vizion alternative për nacionalizmin e Vuçiçit.

2 komente

  1. Zef Matoshi 24 Maj, 2020 në 12:23 pm

    Thaqoviqi ne bashkpunim me nji kafsh me fetyr njeriu i quajtur Evinoviq Kristaqoviq Rmoviqi me gjith Batonoviq Stanishiqin jan autor te kesaj tradhtie po nuk mund ta realizojn kurrderi sat te vdesin,nipat e Adem Jasharit e te Isa Boletinit,praderi sat dalin fare te gjith niper e mbesa te Fishtes Luixh Gurakuqit,e te Gjergj Kastriotit,e te gjith atyre djemve te UQK qe dhan jeten per ket pamvarsi te Kosoves,nuk bir nane qe ja shet vend vorrimin Isa Boletinit ai ishte dhe do mbetet njeriu qe bani te mundur pamvarsin e Shqipnis se mos te ishte Boletini kurr nuk shpallej pamvarsia nga Ismal Qemali se edhe aj ishte ne sherbim te Turqis ishte nenpunes i administrates se prendoris Osmane.Ket nuk ka historian qe mund ta kundeshtoj vetem ndondji qe asht nen urdhrat e Erdoganit

  2. arben 25 Maj, 2020 në 5:46 am

    Perca e sundo ekziston qe ne kohen e Perandorise Romake.Sot ne kohen e internetit cdo gje eshte bere me e lehte.Mjafton dikush I huaj te shkruaj se shqiptaret kane bisht dhe te gjithe ata qe nga mengjesi e deri ne darke vec mallkojne Shqiperine do fillojne si hienat te cirren se kjo eshte e vertete dhe duhet ta besojne pa diskutim.Po mire more karabushe nuk e kuptoni qe liria e shqiptareve ka qene eshte dhe do mbetet vetem nga garancia e bajonetave te mikut tone te madh SHBA dhe se askush nuk do guxonte te shikonte endra pa le te diskutonte ne kundershtim me politiken amerikane qe eshte kunder krijimit te shteteve me perkatesi etnike ne Ballkan pasi fillimi I luftes boterore do ishte e pa shmangeshme.Vetem kaq mendoni e do kuptoni se kjo eshte nje loje e piste e propagandes antishqiptare e Serbise per te percare shqiptaret.

Adresa juaj e emailit nuk do bëhet publike.

Lajme te ngjashme