‘Komploti’ që nënkuptoi ambasadorja amerikane: hetimi i Luan Dacit për fallsifikim

Nga Ilmi Rehova
‘Komploti’ që nënkuptoi ambasadorja amerikane: hetimi i Luan Dacit për fallsifikim Luan Daci

Ambasadorja amerikane ka postuar dje në rrjetet sociale një mesazh të pazakontë, si për nga toni ashtu edhe përmbatja në formë kodi të padeshifrueshëm lehtësisht. Mesazhi i saj ishte:

“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë.”

Pas mesazhit filluan spekullimet se kundër kujt ishte drejtuar mesazhi? Kush ishin ata që kishin bërë marrëveshje kundër reformës? Rama dhe Basha, Rama dhe Meta, Basha dhe Meta? Çfarë veprimesh parashikonte komploti për ta vrarë reformën?

Më vonë mbasdite, ishte Ambasadori i BE-së Soreca që shprehu edhe ai shqetësimin për dëmtimin e reformës.

Ndërkohë Rama, Basha, Meta u ngutën secili të komentonin deklaratën, secili duke lënë të nënkuptohet se ai ishte në anën e reformës në drejtësi dhe shenjestra e Ambasadores ishte kundërshtari politik.

Këto deklarata shtuan edhe më shumë ngatërrimin e opinionit publik.

Burime diplomatike u shprehën për Exit News se problemi që aludoi ambasadorja amerikane është krejtësisht diku tjetër dhe ka të bëjë me një zhvillim të papritur që rrezikon vërtetë të kthejë mbrapa disa nga proceset dhe përparimin formal të reformës.

Luan Daci anëtar i Kolegjit të Posaçëm të Apelimit (KPA), shkalla e apelimit e procesit të vetingut, është marrë i pandehur nga SPAK për fallsifikim dokumentash: Daci ka qenë i shkarkuar nga organet e drejtësisë në vitin 1997 për shkelje të ligjit, fakt të cilin ai e ka fshehur nga aplikimi për anëtar të komisionit të vetingut.

Fshehja përbën jo vetëm vepër penale në vetvete, por, gjithashtu, e bën Dacin ligjërisht të papërshtatshëm për të kryer funksionin e anëtarit të insititucionit të vetingut.

Edhe pse Daci është akuzuar që një vit më parë ai po hetohet veç tani nga SPAK-ku, mbas një denoncimi të ish-prokurorit dhe ish-anëtarti të KLP-së, Besnik Daci i shkarkuar nga një trupë vlerësimi kryesuar nga Luan Daci.

Nëse Daci dënohet, të gjitha vendimet e vetingut ku ai ka qenë pjesë bëhen të pavlefshme e duhet të ribëhen—jurisprudenca e GJENDJ ka vendosur se ligjshmëria e një procesi është e cënuar nëse gjyqtari, i cili ka dhënë vendimin, është zgjedhur në mënyrë të paligjshme.

Për rrjedhojë, dhjetëra magjistratë që janë përjashtuar nga vendime ku ka qënë pjesë Daci duhet të vlerësohen sërish. Kjo do të sillte hapa mbrapa në procesin e vetingut dhe do të vononte shumë procese të tjera të reformës.

Situata do të bëhej edhe më e vështirë nëse një tjetër anëtar Ardian Hajdari do të provohej se edhe ai është zgjedhur në KPA në shkelje të ligjit, i akuzuar nga Shërbimi Informativ në vitin 2006, kur punonte si avokat, si i përfshirë në një skemë korruptive.

Hajdari gjithashtu është akuzuar se ka deklaruar që ka punuar si avokat, për të plotësuar kushtet e zgjedhjes në KPA, por nuk ka qenë i regjistruar në organet tatimore si i tillë, që do të thotë ose ka gënjyer për punën ose ka kryer evazion fiskal. Gjithashtu, ai akuzohet se nuk flet gjuhën angleze pasi nuk ka paraqitur asnjë dokument të kërkuar për të dëshmuar njohuritë e tij.

Zgjedhja e disa anëtarëve të komisioneve të vetingut, përfshi Dacin dhe Hajdarin, është një nga ankesat e disa prej magjistratëve të shkarkuar në paditë e tyre në Strasburg.

Nëse Daci përjashtohet nga KPA, akoma më shumë nëse përjashtohet edhe Hajdari, rriten gjasat që Strasburgu të rrëzojë procesin e vetingut në përgjithësi, si të kryer nga gjykues të zgjedhur në shkelje të ligjit.

Kjo do të kishte pasoja të mëdha për gjithë reformën duke e “vrarë” atë praktikisht, ashtu sikurse u shpreh ambasadorja amerikane.

Ambasadorja po aludon se hetimi i Dacit nuk është një proces i ndershëm dhe i vërtetë i shtetit ligjor, por është nxitur nga një “një marrëveshje prapa krahëve për të vrarë reformën në drejtësi”.

Nuk është e qartë se çfarë di ambasadorja për të vërtetat e hapjes së hetimit ndaj Dacit, por aludimi është se denoncimi i Besnik Canit në SPAK dhe çelja e hetimeve nga SPAKU janë bërë si pjesë e “një marrëveshje prapa krahëve” për të dënuar Dacin dhe dëmtuar vetingun.

Se me çfarë justifikimi mund të shpëtohet Daci, kur fakti i pushimit të tij është fakt i njohur publikisht dhe i provuar nga SPAK, është e vështirë të arsyetohet, por një gjë është e qartë, fati i Dacit është tashmë i lidhur me ecurinë zbatimit të reformës: duhet shpëtuar një fallsifikator, për të shpëtuar një reformë.

6 komente

  1. Dritani 22 Maj, 2020 në 9:02 pm

    S. Miloshevic ne fjalimin e tij ne Kosove tha se shqiptaret po sulmonin serbet(viktima) ne Kosove, E. Hoxha 50 vjet mbajti nen nenshtrim nje popull duke e friksuar nga ‘rreziku i jashtem’. Tekinika e vjeter tipike diktatoriale per te terhequr vemendjen nga problemi i vertete ai i dikatures qe po instalohet ne Shqiperi. Eshte e vjeter sa bota kjo teknike.

  2. Koli 22 Maj, 2020 në 10:00 pm

    Mjafton qe te merret me nje ceshtje nga mali i antiligjit te KM Rama dhe KB Veliaj .

    Le te na udheheqe ambasadorja drejtburgosjes se Rames dhe Veliajt per Teatrin. Le ta nise me teatrinn

    ZULLUMET e Rilindjes jane pa fund, megjithate le te merremi vetem me nje ceshtje , Teatri Unaza, OSHEE, PPP e inceneratoreve , etj she is free to pick up one!!!

    Le te investohet ambasadorja me aPAK-un duke qene se i ha meraku fort perReformen ne Drejtesi

    Mjafton nje zullum nga Agron Xhafa Kanabisi Zgjedhjet e Dibres, termet termet ia ke …. etj etj

    Mjafton 1 dhe rilindasit i thone burgut hapu me Edi Rama Erion Veliaj Taulant Balla Damian, Ulsi Agron Xhafa – Dvoran etj

    Cilado vazhdim tjeter i RAMAformes eshte vonese per reformat e vertetaqe i duhen vendit

    REFORMA ESHTE DESHTIM.

    sa me shpej te pranohet aq mme mire eshte per kete vend! ose le ta provjne qe eshte SUKSES, le te fusin KM ne burg prova ka, a ka b… Ambasadorja apo thjesht shtyje ta shtyjme , le te mos harrojme qe taksat e amerikaneve u kanalizuan nga USAID tek fondacioni OSFA ose shkurt Soros. dhe u sheprdooruan , u vodhen dhe bene nje dem te madh ne nje vend pro amerikan

    Sot te gjithe nuk e besojne ambasadoren. asnje nuk beson tek retorika boshe e Reforems ne Drejtesi VOAA beri sondazh me60% qe NUK besojne tek reforma. Personalissht besoj se sondazhi real tregon 99% nuk e beson reformen

    Ja sesi leket e amerikaneve sherbejne per te krijuar armiq amerikaneve

  3. I paemer 22 Maj, 2020 në 10:59 pm

    Vec dy te permendurve me siper, ka edhe te tjere nga “vetinguesit” qe jane perfshire ne akte korruptive. Por problemi kryrsor mendoj se nuk jane ata, problemi jane ata qe i vendosen ne komisionet e vetingut. Ambasadorja amerikane, para se te merret me nje reforme te deshtuar, duhet te sqaroje se pse u vendosen pikerisht njerez te tille me probbleme ne komisione. Cili ishte qellimi? Prishja e vendimeve te dhena nga keta persona? Pak e besueshme. E kane patur me te lehte per t’i mbajtur nen hyqem? Apo…

Adresa juaj e emailit nuk do bëhet publike.

Lajme te ngjashme