Presidenti Ilir Meta ka kërkuar shpalljen e Lumit të Vjosës, Park Kombëtar. Në një postim në rrjetet sociale për Ditën Botërore të Mjedisit Meta shkroi se:
“Theksoj me forcë rëndësinë e shpalljes së Vjosës, Park Kombëtar, në të gjitha degët e lumit, me qëllim mbrojtjen e kësaj pasurie natyrore të jashtëzakonshme kombëtare dhe europiane”.
Ai shprehu mbështetjen e tij për thirrjen e banorëve të zonës, shkencëtarëve, aktivistëve dhe akademikëve mjedisor për mbrojtjen e luginës nga hidrocentralet dhe kërkimet për naftë.
“I inkurajoj të gjitha autoritetet e larta të Bashkimit Europian të përkrahin fuqimisht kauzën, që na përket të gjithëve, duke risjellë në vëmendje edhe rezolutën e Parlamentit Europian për shpalljen e Vjosës Park Kombëtar”, shkroi Meta.
Më shumë për këtë çështje mund të lexoni këtu, këtu, këtu, këtu dhe këtu.
