Dy muaj shtetrrethim sjellin €120 miliardë euro humbje ekonomisë së Francës

Nga Exit News
Dy muaj shtetrrethim sjellin €120 miliardë euro humbje ekonomisë së Francës

Observatori Francez i Ekonomisë (OFCE) raportoi të hënën se mbyllja e aktiviteteve dhe kufizimi i lëvizjeve gjatë dy muajve të fundit i kanë kushtuar Francës €120 miliardë humbje në të ardhura.

“Gjatë shtetrrethimit aktiviteti ekonomik ra me 32 për qind, rreth 5 përqinde e GDP-së vjetore të 2020-ës”.

OFCE thekson se rimëkëmbja ekonomike e Francës do të varet shumë nga politikat që ajo do të aplikojë pas heqjes së masave kufizuese.

Prej 17 marsit, kur u vu shtetrrethimi, qeveria franceze ka diktuar shkurtim shpenzimesh për të kursyer fonde, kursime që përllogariten të shkojnë deri në €55 miliardë.

Rreth 9.6 milionë francezë, ose ndryshe 1 në 7 qytetarë, mendohet se po vuan papunësinë për shkak të epidemisë.

Sipas vendimit të qeverisë rreth 84 për qind e pagës së tyre këto dy muaj është marrë përsipër nga shteti.

Ekspertët e ekonomisë mendojnë se defiçiti buxhetor i shtetit francez pritet të shkojë në 9 për qind shifra më kritike e pas-Luftës së Dytë Botërore.

Rreth 2,5 milionë njerëz janë infektuar me Covid-19 në gjithë botën, ndërsa 166 mijë prej tyre kanë vdekur, rreth 20 mijë janë shënuar në Francë.

Në fillim të prillit, banka e shtetit francez deklaroi zyrtarisht hyrjen në recesion të ekonomisë pasi në 3 muajt e parë të vitit ekonomia kishte shënuar rënie prej 6 për qind.

Organizata Botërore e Tregtisë dhe Fondi Monetar Ndërkombëtar kanë paralajmëruar efektet e rënda që pandemia do të sjellë në ekonomi ku hamendësohet se pas mposhtjes së infeksionit bota do të vuajë krizën më të thellë që prej viteve ’30.

LEXO  Kina vlerëson kombinimin e vaksinave për rritjen e efikasitetit

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>