Policia italiane kapi një skaf me 450 kilogramë marijuanë e hashash që vinte nga Shqipëria. Sipas mediave lokale droga u kap në Monopoli, një qytet portual mes Barit dhe Brindisit.
Skafi mbi 6 metra i gjatë ishte pajisur me motorë të fuqishëm lundrues. Ai drejtohej nga një italian dhe u pikas nga radarët rreth 18 milje larg brigjeve të Monopolit.
Ngarkesa qe ndarë në 45 pako me peshë 2, 5 dhe 10 kile. Kjo është një ndër sasitë më të mëdha të kapura kohët e fundit në Itali me prejardhje nga Shqipëria në rrugë detare, që kur në Shqipëri u angazhuan forcat e Frontex për të ruajtur kufijtë.
Vitin e shkuar në të njëjtat brigje policia kapi rreth 300 kilogramë marijuanë, ndërsa në vitin 2017 u kapën mbi 1 ton.
