Gjyqtarja e Gjykatës së Tiranës Alma Brati kaloi me sukses vetingun dhe u konfirmua në detyrë.
Komisioni i Pavarur i Kualifikimit dha sot vendimin pas vlerësimit të tre kritereve: pasuria, aftësitë profesionale dhe pastërtia e figurës.
Sipas trupës së KPK-së, gjyqtarja Brati nuk ka bërë deklarim të rreme pasurie dhe ka marrë vlerësime pozitive për aftësitë profesionale, ndaj do të vazhdojë detyrën si gjyqtare.
Alma Brati e ka nisur karrierën si gjyqtare në vitin 2007, pas disa vitesh punë si jurist në Zyrën e Regjistrimit të Pasurive në Durrës dhe inspektore në Këshillin e Lartë të Drejtësisë.
Gjyqtarja Alma Brati është kandidatë për të qenë anëtare e Këshillit të Lartë Gjyqësor.
