A do ta hajë Reforma në Drejtësi veten e saj?

Nga Vincent W.J. van Gerven Oei
A do ta hajë Reforma në Drejtësi veten e saj?

Komentuesit politikë shqiptarë gumëzhinin më 21 maj kur ambasadorët e BE-së dhe SHBA-ve postuan në Twitter, me shpejtësi njëri pas tjetrit, mesazhe të koduara për reformën në drejtësi.

Ambasadorja e SHBA-ve Yuri Kim paralajmëroi “një marrëveshje pas krahësh për të vrarë reformën në drejtësi”, ndërsa ambasadori i BE-së Luigi Soreca deklaroi se “nuk është koha për të rihapur diskutimet mbi themelet e saj”.

Këto postime të ambasadorëve u pasuan nga shumë komente interpretuese, shpesh kontradiktore dhe përjashtuese me nëjra tjetërën, në varësi të anësisë politike të komentuesve.

Kryeministri Rama citoi Shekspirin, ndërsa kryetari i PD-së Basha paralajmëroi “ndryshime kushtetuese dhe ligjore” ndaj reformës në drejtësi të zbatuara nga parlamenti aktual (nga i cili ai u largua një vit më parë).

Çfarëdo që të ketë qenë motivimi pas dekalratave të Kimit dhe Sorekës është e vërtetë që Reforma në Drejtësi është nën kërcënim. Dhe, në mënyrën më ironike të mundshme, ajo po kërcënohet nga vetë suksesi i saj.

Javën e kaluar, Gjykata Speciale pezulloi nga detyra komisionerin e KPA-së Luan Daci. Daci është një nga gjyqtarët e institucionit më të lartë të vetingut KPA-së dhe gëzon status të njejtë me gjykatësit e Gjykatës Kushtetuese.

Për të kuptuar arsyen e pezullimit të Dacit dhe të dënimit të tij të mundshëm për fallsifikim dokumentesh, duhet të kthehemi pas në kohë, në vitin 2017.

2017: Origjina

Më 2 qershor 2017, Komisioni i Tretë Ad Hoc parlamentar për Verefikimin e Kandidatëve të Institucioneve të Vetingut, zhvilloi seancën për vlerësimin e kandidatëve për KPA-në.

Sesioni u drejtua nga deputetja socialiste Vasilika Hysi—e cila ka qenë pedagoge e shumicës së kandidatëve, të cilët i drejtoheshin asaj me emrin “zyshe” ose “prof”— dhe anëtarët e tjerë të pranishëm ishin deputeti socialist Ervin Bushati, deputetët e PD-së Flamur Noka, Albana Vokshi, Eduard Halimi dhe deputeti i LSI-së Vangjel Tavo.

Në fillim të takimit, Noka, i cili kishte marrë pjesë edhe në takimin e parë të Komitetit të Parë Ad-Hoc dhe kishte një shikim më të mirë të kandidatëve se sa anëtarët e tjerë të komisionit, bëri një parashikim i cili u vërtetua më vonë:

“Më vjen keq të bëj parashikimin, nuk jam këtu për të bërë profetin, por po ju them: Edi Rama nëpërmjet Avokatit të Popullit me këtë listë që na ka paraqitur sot ka paracaktuar gjithçka. Produkti që do të votojë treshja e maxhorancës është ky: Albana Shtylla, anëtare e Komisionit Qendror të Zgjedhjeve e propozuar nga Partia Socialiste. Mbajeni mend, do të jetë fituese!

Ina Rama, prokurore politike, njeri i afërt i Edi Ramës dhe e Partisë Socialiste që nuk lënë vend ku hapet një konkurs pa e futur si fanti spathi, aq është dashuria e madhe e PS-së dhe Edi Ramës për Ina Ramën, Sokol Çomo, ish-zëvendësministër i PS-së. Po e them sot, ditën që do të votojë ky komision, kjo është treshja që do të përzgjidhet nga maxhoranca. Këta do të bëjnë vetingun e sistemit të drejtësisë. E paracaktuar që ditën e parë që kanë filluar aplikimet tek Avokati i Popullit. Jua përsëris: mos e merrni si profeci, por merreni si një gjë që do të dalë, sepse është e vërtetë.”

Dhe me të vërtetë, ajo çfarë Noka parashikoi ndodhi—Shtylla, Rama dhe Çomo u zgjodhën në institucionet e vetingut nga anëtarët e shumicës së komisionit.

Kjo jep një ndjesi të atmosferës së ngarkuar politike—pas marërveshjes McAllister+, pak përpara zgjedhjeve të përgjithshme, kohë kur u kryen këto dëgjesa. Ato u mbajtën me shpejtësinë e dritës—dhjetra kandidatë që kishin aplikonin në pozicionet më të larta të drejtësisë në këtë shekull u trajtuan brenda pak orëve nga një komision i pagjumë, i shpërqendruar nga zgjedhjet që do të mbaheshin pas tre javësh dhe nën trysninë e madhe të të huajve për të realizuar sa më parë përzgjedhjen.

Edhe Luan Daci u intervistua gjatë seancës së 2 qershorit. Ai u pyet kryesisht për faktin se nuk kishte përmendur asnjë përvojë punë përpara vitit 2000 në jetëshkrimin që kishte paraqitur në Komisionin Ad-Hoc. Ja shkëmbimi që lidhet me këtë gjë gjatë intervistës:

Ervin Bushati: Datat këtu nuk janë shumë të qarta, a mund të na thoni shkurtimisht nga cili vit në cilin vit keni punuar, në çfarë pozicioni […] por nga cili vit?

Luan Daci: Unë kam punuar si avokat […] që nga data 20.03. 2000 kur kam marrë licencën e avokatit me autorizim të ministrit, zotit Ilir Panda, i cili më ka bërë edhe karakteristikën dhe për motive të aftësive të mia profesionale…Madje, zoti Panda më ka përjashtuar edhe nga provimi, duke vlerësuar aftësitë e mia morale, aftësitë profesionale, figurën time dhe më ka akorduar.

Ervin Bushati: Para kësaj date?

Luan Daci: Kam punuar gjyqtar në Gjykatën e Tiranës.

Ervin Bushati: Nuk janë datat këtu, prandaj.

Luan Daci: Janë në CV.

Vasilika Hysi: Jo… CV-ja juaj, ndryshe nga ato që po thoni, ka disa…, prandaj po ju pyesim.

Vasilika Hysi: Sa vjet keni punuar si gjyqtar dhe pse jeni larguar nga sistemi gjyqësor dhe keni kaluar avokat?

Luan Daci: …[K]am filluar në shtator të vitit 1993, fillimisht kam qenë si ndihmës gjyqtar, kur kemi dhënë diplomën para komisionit shtetëror, dy ditë pas dhënie së diplomës unë jam emëruar gjyqtar në Gjykatën e Tiranës, madje jam emëruar edhe nënkryetar në Gjykatën e Tiranës dhe vendi për arsye ekonomike është suprimuar, nuk e di, kanë ndjekur një model tjetër, nuk kam pasur ndonjë problem, dhe deri më 24 dhjetor të vitit 1997 unë kam qenë gjyqtar në Gjykatën e Tiranës. Ashtu sikurse po del një ligj për vetingun, atëherë doli një ligj për riorganizimin e sistemit të drejtësisë.

Vasilika Hysi: Në vitin 1997 jeni larguar, keni ikur apo ju kanë hequr?

Luan Daci: Unë kam ikur me dorëheqje, sepse nuk na lejuan të regjistroheshim.

Vasilika Hysi – Nga viti 1997-2000 me çfarë jeni marrë?

Luan Daci – Më ndonjë punë çfarë të kisha mundësi.

Pjesa kritike këtu është në pyetjen e Hysit nëse u dorëhoq apo u pushua nga gjyqtar më 24 dhjetor 1997. Nëse ai do të ishte pushuar nga puna, automatikisht do të ishte i pazgjedhshëm për pozicionin e gjyqtarit të vetingut.

Sipas ligjit të vetingut (nenit 6/1/dh) ”anëtar i Komisionit dhe gjyqtar i Kolegjit të Apelimit zgjidhet shtetasi shqiptar që […] ndaj tij të mos jetë marrë masa disiplinore e largimit nga puna, ose ndonjë masë tjetër disiplinore, e cila është ende në fuqi, sipas legjislacionit në momentin e aplikimit.”

Megjithatë, i gjithë informaconi në lidhje pozicionin e tij të mëparshëm në sistemin e drejtësisë u hoq nga jetëshkrimi i Dacit, nuk u bënë hetime të mëtejshme, dhe Daci u zgjodh në KPA.

2019: Ankesa e Sevdarit

Shkojmë përpara në shkurt 2019. KPA shkarkon anëtaren e Këshillit të Lartë të Prokurorisë (KLP) Antoneta Sevdari, duke rrëzuar vendimin e Komisionit të Pavarur të Kualifikimit (KPK) që e kishte konfirmuar atë në detyrë.

Në maj, Sevdari kishte paraqitur një ankesë zyrtare kundër dy gjyqtarëve të KPA-së që do të shqyrtonin çështjen e saj, Ardian Hajdari dhe Luan Daci, i cili ishte edhe kryetari i trupit gjykues.

Sevdari dha prova konkrete se Daci ishte refuzuar në vitin 2016 (vetëm një vit para seancës së konfirmimit tij të në Parlament) për t’u emëruar gjyqtar i shkallës së parë, për shkak të shkarkimit të tij nga detyra me vendim të 24 dhjetorit 1997 të Këshillit të Lartë të Drejtësisë. Dokumenti që detajon shkarkimin e tij është pjesë e procesverbalit publik të KLD-së.

Si KPA-ja dhe as ONM-ja nuk pranuan të ndërmarrin ndonjë veprim, duke pretenduar se Sevdari nuk legjitimohet për të paraqitur një ankesë të tillë.

Sevdari më pas iu drejtua gjykatës më të lartë të Evropës, Gjykatës Evropiane të të Drejtave të Njeriut në Strasburg, duke pretenduar se asaj iu mohua e drejta për një gjykim të drejtë, pjesërisht për shkak të zgjedhjes së paligjshme të Dacit. GJEDNJ ka vendosur ta shqyrtojë këtë çështje.

Në nëntor 2019, themelohet Prokuroria Speciale Kundër Korrupsionit (SPAK). SPAK është shpresa e madhe e ndërkombëtarëve; më në fund, institucioni që do të kapë “peshqit e mëdhenj” ka mbërritur.

Ky institucion është jo vetëm i përbërë nga prokurorë të kualifikuar—pavarësia e të cilëve mbrohet me ligj, të cilët kanë hequr dorë nga një pjesë e konsiderueshme e privasisë personale dhe të familjeve së tyre—për të hetuar nivelet më të larta të pushtetit, por këta prokurorë specialë kanë parë edhe shumë nga kolegët e tyre të pushohen padrejtësisht nga institucionet e vetingut, ndërkohë që të tjerë me reputacion të dyshimtë janë konfirmuar.

Në janar të vitit 2020, anëtari i KLP-së, Besnik Cani paditi anëtarin e KPA-së Luan Daci në SPAK, bazuar në të njëjtat argumente të bëra më parë nga Sevdari: ai ishte larguar nga funksioni i tij si gjyqtar, dhe ishte zgjedhur në shkelje të ligjit  të vetingut, duke falsifikuar dokumentat dhe duke e fshirë nga jetëshkrimi i tij këtë fakt.

SPAK-u filloi menjëherë hetimin dhe zbuloi atë që ishte e qartë: Daci është zgjedhur në bazë të të dhënave fallso dhe për këtë arsye ai tashmë është pezulluar nga KPA-ja.

Nëse ai dënohet për falsifikim të dokumenteve, dhe nëse largohet nga pozicioni i tij si gjyqtar i KPA-së, kjo do të jetë një fitore për Sevdarin dhe do të sigurojë një argument të fortë që KPA nuk është me të vërtetë një “gjykatë e pavarur dhe e paanshme”, siç përcaktohet në neni 6(1) i Konventës Evropiane të të Drejtave të Njeriut.

Nëse Sevdari fiton çështjen në Strasburg, dhe KPK-ja dhe KPA-ja konsiderohen se nuk janë gjykata të pavarura dhe të paanshme, i gjithë baza dhe arsyetimi i Reformës në Drejtësi do të ketë rënë, dhe procesi do të ketë dështuar.

Të gjithë gjyqtarët dhe prokurorët e pushuar do të kenë të drejtë të rikthehen, dhe pretendimet financiare kundër shtetit shqiptar do të jenë të konsiderueshme.

Ndërkombëtarët do ta kenë humbur edhe atë pak besueshmëri që ata mendojnë se kanë.

Për shkak të çështjes së Sevdarit në Gjykatën e Strasburgut, stekat e gjykimit në çështjen Daci tani janë bërë shumë më të larta se sa ai i një vendimi të thjeshtë për karrierën e një njeriu të vetëm.

Nëse Daci pushohet nga puna dhe merr një dënim penal, fitorja e Sevdarit në Strasburg ka shumë mundësi të ndodhë.

Nëse ai del i pafajshëm, qeveria dhe komuniteti ndërkombëtar mund të marrin frymë të lehtësuar.

Kështu, SPAK dhe Gjykata Speciale Anti-Korrupsion, dy institucionet më të çmuara dhe më premtuese të Reformës në Drejtësi, tani përbëjnë rrezikun më të madh për mbijetesën e saj.

Ka një thënie të famshme: Revolucioni ha bijtë e vet. Nëse drejtësia do të triumfojë, Reforma në Drejtësi do të bjerë me të drejtë pre e vetvetes. Por nëse drejtësia do të mohohet edhe një herë, Reforma në Drejtësi do t’i shpëtojë urisë së vetë saj—të paktën për tani.

Së shpejti, do të shohim nëse Reforma në Drejtësi është me të vërtetë ai revolucioni për të cilin pretendohet se është.

2 komente

  1. Koli 27 Maj, 2020 në 2:53 pm

    Reforma eshte deshtim spektakolar si nje eksperimenti te OSFA, dhe shperdorim te fondeve te USAID dhe BE. Ekspertet e Soros u paguan dhe u paguan shume mire. Qeveria dhe ekzekutivi vjedh cdo dite sepse ska Prokurori dhe Gjykata ku te ankohen palet e demtuara. Shqiptaret vidhen abuzohen dhe vuajne rrjedhojat e Reformes.
    Ka vetem nje pyetje pas 4 vjet reforme ne drejtesi: A u jepet drejtesi sot shqiptareve???? dhe kur ??

    Kush ka nje ceshtje gjyqesore sot e di personalisht se sistemi i drejtesise eshte ne kolaps.

    Prokurorite e rretheve dhe PP jane jashte loje, krim ne nivelet me te larta, efektet ne ekonomi jane super te dukshme paraja nga kanabis dhe droga lume . SPAKU BKH skane asnje rol.

    Dhe thjesht nuk ka institucione qe te gjykojne , palet skane ku te drejtohen ska GJK ska GJL, GJ apeli eshte me vonese 3 vjet+

    Procesi eshte skandaloz. Cilesia e te vetinguarve eshte e dyshimte . KPA dhe KPK jane mizerabel, te njeanshem, te pabesueshem. ONM me rol tejet te kufizuar, Theo-n (Jacobs ) e shohim te beje lojra me fjale neper seanca, kundershtime apo shtjellime bazike siperfaqesore dhe aspak profesionale, ne rolin e showmen, por ONM ska asnje ndikim te vertete thelbesor dhe te prekshem. Dmth ti themi gjerat shqip : ONM, Theo , Kalavera et al, po marrin rrogat dhe po shijojne privilegjet!

    Vleresimi i super te perzgjedhurve si trupa te PK dhe KPA eshte perqendruar vetem tek pasuria, psh Arta Marku profesionalisht nuk eshte e afte , ka numrin me te vogel te dosjeve dhe ka gabime ne secilen nga dosjet qe ka patur , niveli i ceshtjeve te saj eshte qesharak. por ajo jo vetem qendroi PERKOHESISHT 2 VJET PPP por edhe e kaloi vetingun, me shakate e Jacobs ,psh si ka mundesi te harrohet ne burg per nje shkelje ordinere, per 30 dite me rradhe nje i pandehur , kur gjithsej si prokurore Arta ka 1 ceshjte ne VIT. NJE (1-nje) Vetem nje.
    Dhe keto jane publike, nese i hyjme te gjithe cka patur ajo arrijme ne nje perfundim qe ka gjet pune dhe nuk eshte tek te papunet per te renduar shtetin me assistence sociale. Kontributi i saj si prokurore eshte i paperfillshem. Me siguri priti te behej PPP qe te shfaqte talentin e saj te vertete!!!

    Raste ka plot, por rasti i PPP eshte flagrant per shkeljen e KUSHTETUTES ne menyren me te turpshme dhe MOSREAGIMIN e Ambasadave! Paligjshmeri totale dhe Maskarallek njerezor. TURP ONM, USA DHE BE ! Jeni hajdute te takspaguesve tuaj.Po vidhni leket e qytetareve BE & USA pra tuajit, dhe faturen po ja lini shqiptareve! ky eshte maskarallek!

    Raste te tjera ka plot, ka shume probleme, ne te gjitha kendveshtirmet dhe secilin aspekt. Nje deshtim i gjitheanshem, i plote i vazhdueshem dhe ne drite te diellit.

    Duhet te jesh i paturp si njeri psh YURI KIM dhe te flasesh per suksese ne boten e Piter Panit , si ne librat me fantazi per femije.

    Koha shkoi dhe cikli po mbyllet, Rama do te largohet nga pushteti sipas te gjitha gjasave . Po qe ne 2013 e deri me sot ka malin me te madh te zullumeve qe nga koha e Enver Hoxhes. cdo gje e Rames eshte abuzim, vjedhje, korrupsion, krim , kanabis, ne funksion te pasurimit vetjak. Duhet te jete vertet shume i pasur , dhe eshte pasuruar vertet shume ne keto 7-8 vjet KM

    Pra shanset jane qe Rama tja hedhe, po te iki nga pushteti vesthire se do merret njeri me Ramen,
    Nderkaq drejtesia do vite e vite te tjera e te funksionoje deri diku, pasi te gjithe institucionet e reja jane te kapura dhe te paafta te mbushur me sigurimsa dhe OJQ-OJF -ista. vetem njerez profesioniste dhe te ndershem nuk gjen dot.

    Reforma qe ne nisje ishte nje mision i pamundur, ne kufijte e te realizueshmes ne kushte laboratorike.. Mazhoranca e saj kohe PS+LSI i hyri mbare dhe miratoi te gjithe ligjet te reformes me shumice te cilesuar me objektivin e vetem qe ta kapte ajo drejtesine, pa u merakosur qe ta bente DERI DIKU te funksionueshem kete ngrehine te re te drejtesise. Qellimi ishte ta kapte.

    Sot e gjithe diten (sic thote kryeministri) zihet Presidenti me Ramen per KED. bejne si te ndershem per Drejtesine, une e dua thote Rma jo e dua une thote Presidenti. Pavaresisht se presidenti ka te drejte ne pretendimet e tij, por kjo or lexues, eshte njesoj si te zihen 2 hajdute se kush do marre copen me te madhe!!! Dhe nje hajdut i thote tjetrit qe nuk po e prish lojen se jo eshte copa ime. A ka nder dhe rregull mes hajduteve???

    Meta sic duket, pra ai thote qe ka objektiv drejtesine por ne fakt me qellim qe ta diskretitoje edhe me tej, por por realisht motivi i tij eshte FRIKA , ai ka me shume frike se keto instuticione mund te demtojne dhe te godasin ate vete dhe se ai ngel pa gje!

    Reforma eshte nje projekt fondacionesh dhe nje justifikim i madh i Rames per te gjitha zullumet e tij. Reforma duhet pare dhe vleresuar vetem politikisht SEPSE ligjerisht eshte jofunksionale, e kundraligjshme dhe e demshme dhe me pasoja te prekshme per qytetaret e Shqiperise.

    Dhe sigurisht fajin e ka perseri opozita sepse nuk ha karremin e Rames (apo dhe te metes )

    Sa me shpejt te nderrohet ky parlament aq me mire, Nje objektiv kryesor duhet te jete drejtesia per qytetaret dhe duhet te kete nje sistem funksional quajeni nje reforme e re apo amendim te reformes . Aktualja eshte e vdekur!!!
    PS ,ndoshta e cliruar nga Rama, do te jape kontributin e saj. PS ka njerez qe e duan ligjin dhe shtetin edhe pse eshte zhvleresuar me Ramen si kryeatr dhe kryeminister ( me shume e urrejne socialistet Ramen, nje urrjetje e tmerrshme brenda llojit ) PS me PD dhe forca te tjera duhet te kontribuojne per drejtesine sepse nuk kane nga tia mbajne.

    Kjo drejtesi e sotme,dhe me keto institucione, jane te padobishem, jo funksionale, dhe sistemi i sotem eshte ne krize. Ehte jashte afatave , plot probem antikushtetushmerie, vej arrna ketu e atje, si gazeta e lagur qe ske ku ta kapesh se te mbetet cepi ne dore.

    Te gjithe te tjerat jane diskurse per te mbushur diten deri kur te vijne zgjedhjet , disurse dhe veprime ne funksion te Rames. Refomra eshte perdorur si mjet politik kunder opozites (pasi rama eshte i paster qe ne lindje!!!). Reforma nuk eshte mjet politik per te goditur opoziten. Reforma duhet per qytetaret dhe vendin , pra per aspiratat qe kemi si komb.

    Reforma nuk te jep buke, as te puneson, sic perpiqet dhe sic eshte perpjekur Rama per ta futur ne politiken e dites , sa here i eshte dashur per te goditur opoziten . Reforma ne drejtesi nuk te ben te pasur . Reforma ne drejtesi nuk zevendeson drejtorin e OSHEE apo te UKT apo Kryebashkiakun . nuk e permireson drejtperdrejt menaxhimin e shtetit dhe burimeve te tij, taksat , resurset natyrore etj.

    Reforma ne drejtesi nuk ben mrekulli ne jeten e perditshme dhe halleve te perditshme te njerezve, ashtu sic e ka paraqitur dhe po perpiqet te paraqitet cdo dite Rama dhe ambasadoret e BE dhe USA (nje deshtim spektakolar ne fakt)

    Shteti ka 3 pushtete, Ekzekutiv Ligjor dhe Gjyqesor

    Shteti qeveriset nga KM dhe organet vendore.

    Ligjet, aktet, rreguloret miratohen nga kuvendi dhe institucioneve qe burojne prej tij

    Drejtesia nga institucionet e reja

    Sot jemi nje deshtim te plote te shtetit. te tre pushtetet jane jonfunskional. (mos u mbetet qejfi pushtetit te katert, jeni kazan! )

    Pushteti ekzekutiv eshte i deshtuar pasi nuk respekton asnje ligj dhe abuzon, vjedh KM dhe kemi organe vendore bashki qe jane monopartiake , jo demokratike , pertej cdo kontrolli dmth ska asnje kontroll, asgje qe ti ndale per te vjedhur. (fale dhe mathew palmer qe tha qe zgjedhjet mund te behen si ne 1970 vetem me Bshkimet profesionale dhe fFrontin demokratik , pra me Ramen dhe Patozin e bindur! ) nje absurd , nje ekzekutiv jashe shinave ligjore pa kontrolle, pa check and balance dhe cuditerisht Rama e quan ekipin e tij me te mire RILINDJE (rilindasit e vertete rrotullohen ne varr kur degjojne palacolleqet e Rames)

    Pushteti ligjor eshte jashte funksionit . Nje parlament i tille do hyje ne histori . Parlament ne kufijte e palacollekut dhe bastardizimit, nje pjese perfaqesuesish jane analfabete funksionale, nje pjese tjeter me rekorde kriminale, nje pjese tjeter me kapacitete intelektuale baraz me gjallesat njeqelizore dhe me 122 nga 140 deputet. Parlament si estrade ndermarrjeje te kohes se Enverit. parlament ku opozita dmth OPOZITA PARAMENTARE voton gjithmone pro nismave te KM Rama 😀 .. nje absurd llogjik i denje per nje karagjoz si Rama

    Drejtesi ne Kolaps.

    Reforma nuk te sherben si qytetar pasi qytetari nuk merr drejtesi
    Ceshtjet civile ,penale, tregtare etj duan me dekada qe te perfundojne dhe dekada qe te jene te zbatueshme dhe dekada qe i demutari te marre shpagimin e drejte. pra funskioni kryesor i dhe i vetem eshte qe qytetarit ti sherbehet drejtesia. Nuk eshte objektiv sa gjyqtare u perjashtuan, nuk eshte objektiv ne vetevete ngritja E SPAK KLP KLGJ, as funksion. cfare bejne keto institucione ??? Matet perkundrejt cfare merr qytetari. Dee sot qytetari nuk ka akses ne drejtesi nuk arrin te gjykohet. Sistemi eshte ne kolaps.

    Ky eshte kolapsi. Kolapsi nuk ka brire qe Ambasdorja e rradhes e rruges se Elbasanit ti vijne mend ta shohe para syve ne rruge dhe ta dalloje.

    Arsye e verteta nuk dihen, por dihet qe mosdeshira, mosveprimi dhe njeanshmeria e theksuar e ambasadoreve , jane provokim per shtetin ligjor dhe shoqerine shqiptare, dhe shkaterrues te jetes se personave te cilet fati ua ka sjelle qe te jene ne duart e gjykatave dhe prokurorise nga 2016 e deri me sot. fat i keq per ta por me emer dhe mbiemer LU ,VLAHUTIN, SORECA, YURI-KIM.

    Reforma ka deshtuar Sistemi eshte ne kolaps.

    Por, megjithate meqe duan te vete-degjenerohen duke treguar perralla me mbret , filma me partizane ku dy partizane qerrojne 10 bataione me italiane, le te vazhdojne te mbeshtesin lider te orruptuar dhe te paafte si Rama le te vazhdojne. gabimi eshte i tyre . gjerat jane te dukshme. Kredibiliteti i tyre eshte minimal, jane te pabesueshem dhe te neveritshem. Jane te perkohshem.
    Ajo cka eshte shqetesuese eshte situata e vendit. Dhes ituata e vendit kerkon zgjidhje politike, ckapjen e shtetit, pastrimin e institucioneve, parlament funksional dhe nje drejtesi funksionale.
    Keto i zgjidh vetem vota e lire.
    Nje parlament i ri, qeveri e re , drejtesi e re.
    Largimi i Rames eshte emergjence kombetare. Ambasadoret medioker si Kim apo Soreca do merren me gjera te tjera dhe doemos do gezojne prvilegjet qe kane me minimumin e mundit.

  2. Sabri 29 Maj, 2020 në 5:53 pm

    Kjo ishte REFORMA pra, si ide: KAOSI! Mire e ke artikuluar ti Koli. Por ajo qe askush nuk kam pare te hulumtoje eshte se me fillimin e pandemise, qeveri ne menyre abuzive nxori akte normativ, dhe vecanerisht i dyshimte por edhe kriminal me gjase, esbte fakti qe permes aktit normariv qeveria ka pezulluar zbatimin e Konventes Evropiane per te Drejtat dhe Lirite e Njeriut! Specifikisht Nenin 8, i cili lidhet ngushtesisht me aplikimin e kufizimeve per qellim te sigurise publike dhe kombetare. Pra qe ka lidhje me veprimtarine e pergjimit dhe survejimit te individeve. Dhe me pas po Qeveria miraton nje projektligj per te vendosur ne ligj kompetenca eksluzive pergjimi tek policia, pa.mbikqyrje nga Prokuroria apo Gjykata. Te jete budallallek me brire, koicidence apo konspiracion? Por shqetesues eshte fakti qe askush nume trajton kete aspekt thellesisht abuziv te aktivitetit te Ekzekutivit.

Adresa juaj e emailit nuk do bëhet publike.

Lajme te ngjashme